Իմ Տոհմածառը

Ժամանակահատվածը՝ 11.01.2021- 31.01.2021

Միջավայրը՝ Քոլեջ, ընտանիք

Մասնակիցները՝ Քոլեջի 5 տարեկաններ, ծնողներ, տատիկներ, պապիկներ։

Նպատակը՝  Սեփական ընտանիքի, տոհմի, արմատների բացահայտումը, ընտանեկան ավանդույթների իմացություն, պահպանություն, հետաքրքրություն և սեր սերմանել ազգային, ավանդական սովորությունների հանդեպ, հարստացնել բառապաշարը, բարբառների բացահայտում, պատմողական ունակության զարգացում։

Նկարագրությունը՝ Նախնական փուլում սաների հետ զրուցում ենք ընտանիքի, տոհմի մասին, տալիս ենք տեղեկություն տոհմածառի մասին, համագործակցում ենք ընտանիքի անդամների հետ, սովորողը ծնողների օգնությամբ կազմում է Տոհմածառը, թվարկում տոհմի անդամներին ամենամեծից մինչև ամենափոքր, պատմում թե որտեղից են սերում, եթե Երևանում չեն ծնվել, ինչպես են հաստատվել այստեղ, ունեն արդյոք ընտանիքին բնորոշ անուններ, ում անունն է կրում ինքը, ինչ սովորույթ կամ ավանդույթ կա, որը հատուկ է միայն իրենց տոհմին, կան արդյոք իրենց տոհմին բնորոշ մասնագիտություններ, խոսում են արդյոք բարբառով( պատմել հեքիաթ,առած ասացվածք), ունեն հատուկ ընտանեկան ճաշեր կամ ուտեստներ (պատրաստել տան մեծի հոտ), ունեն պահպանված ընտանեկան իր, առարկա, մասունք (ցուցադրել, պատմել պատմությունը)։

Ակնկալվող արդյունքը արդյունքում սովորողը կունենա ճշգրիտ տեղեկություններ իր տոհմի մասին, որը կամփոփենք տեսանյութի, ֆոտոպատումի կամ ռադիոնյութի տեսքով։

Անհրաժեշտ միջոցներ՝հեռախոս, տեսխցիկ, ձայնագրիչ։